Новость из категории: Xəbərlər

Azərbaycan muğamının UNESCO-nun siyahısına daxil edilməsinin 10 illiyi Berlində qeyd olunub



Berlində Azərbaycan səfirliyinin təşkilatçılığı, UNESCO üzrə Milli Komissiyanın katibliyinin və Azərbaycan Respublikasının Mədəniyyət Nazirliyinin dəstəyi ilə Azərbaycan muğamının UNESCO-nun Qeyri-Maddi Mədəni İrs Siyahısına daxil edilməsinin 10 illiyi münasibətilə konsert keçirilib.

Tədbirdə səfir Ramin Həsənov Azərbaycan muğamının özəlliyi, tarixçəsi, təkamülü, qlobal səviyyədə təbliği məqsədilə görülən işlər, xüsusən Heydər Əliyev Fondu tərəfindən bu sahədə aparılan fəaliyyət, UNESCO-nun Qeyri-Maddi Mədəni İrs Siyahısına daxil edilməsi barədə iştirakçılara məlumat verib.

Daha sonra muğam üçlüyünün ifasında konsert proqramı təqdim olunub. Xanəndə Gülnar Qüdrətlini Sahib Paşazadə (tarzən) və Toğrul Əsədullayev (kamança) müşayiət edib.



Üçlüyün repertuarında “Küçələrə su səpmişəm”, “Şuşanın dağları”, “Mənim Azərbaycanım”, “Qarabağ şikəstəsi”, “Mehriban olaq”, “Segah” və digər məşhur xalq və bəstəkar mahnıları yer alıb.

Tədbirdə Almaniyanın ictimai-siyasi dairələrinin, diplomatik korpusun və Azərbaycan diasporasının nümayəndələri iştirak edib.

Konsert çərçivəsində, həmçinin Azərbaycanın mədəniyyətinə və incəsənətinə dair müvafiq əyani materiallar nümayiş olunub və iştirakçılara paylanılıb.











AZƏRTACскачать dle 11.3

Похожие новости

Комментарии

Имя:*
E-Mail:
Введите код: *
Кликните на изображение чтобы обновить код, если он неразборчив