Новость из категории: Xəbərlər

Berlində Azərbaycan Xalq Cümhuriyyətinin 100 illiyinə həsr olunan tədbir keçirilib


Berlində Heydər Əliyev Fondunun və Azərbaycanın Almaniyadakı səfirliyinin təşkilatçılığı ilə Azərbaycan Xalq Cümhuriyyətinin yaranmasının 100 illiyinə həsr olunan sərginin açılışı və rəsmi qəbul keçirilib.

 Heydər Əliyev Fondunun icraçı direktoru Anar Ələkbərov, Azərbaycanın Almaniyadakı səfiri Ramin Həsənov, Bundestaqın deputatları, Almaniya hökumətinin təmsilçiləri, Almaniyada akkreditə olunmuş diplomatik nümayəndəliklərin rəhbərləri, ictimai-siyasi dairələrin nümayəndələrinin iştirak etdikləri tədbirdə qonaqlar əvvəlcə Azərbaycan Xalq Cümhuriyyətinin tarixinə dair sərgi ilə tanış olublar.

Daha sonra keçirilən rəsmi qəbulda çıxış edən Azərbaycanın Almaniyadakı səfiri Ramin Həsənov Azərbaycan Respublikasının Birinci vitse-prezidenti Mehriban Əliyevanın rəhbərliyi ilə Heydər Əliyev Fondunun həm Azərbaycanda, həm də ölkəmizin hüdudlarından kənarda müxtəlif sahələri əhatə edən fəaliyyəti barədə məlumat verib. O, Heydər Əliyev Fondunun o cümlədən Almaniya ilə mədəniyyət mübadiləsinə önəm verdiyini, bu ölkədə çoxsaylı elm və mədəniyyət tədbirləri həyata keçirdiyini vurğulayıb.

Bugünkü respublikamızın Azərbaycan Xalq Cümhuriyyətinin varisi olduğunu qeyd edən səfir ölkəmizin tərəfdar çıxdığı demokratiya, dünyəvilik, dini və mədəni müxtəliflik kimi dəyərlərin bizə Xalq Cümhuriyyətindən miras qaldığını bildirib. Səfir vurğulayıb ki, vaxtilə Azərbaycan Xalq Cümhuriyyəti qurucularının Azərbaycan xalqının rifahı naminə həyata keçirmək istədiyi, amma sovet işğalının imkan vermədiyi ideyalar bu gün müstəqil respublikamız tərəfindən ümummilli liderimiz Heydər Əliyevin əsasını qoyduğu daxili və xarici siyasət kursu sayəsində uğurla reallığa çevrilir. Bu siyasətin nəticəsidir ki, ölkəmiz regionda aparıcı iqtisadi qüvvəyə çevrilib və Dünya Bankının “Doing Business 2019” hesabatında 25-ci yerdə qərarlaşıb.

Azərbaycan-Almaniya münasibətlərindən danışan səfir Almaniyanın federal kansleri Angela Merkelin Azərbaycana səfərinin bütün sahələrdə dinamik inkişaf edən əlaqələrin daha da yaxınlaşması üçün yeni imkanlar açdığını diqqətə çatdırıb. Ölkəmizin Almaniyanın Cənubi Qafqazda əsas iqtisadi tərəfdaşı olduğunu, Almaniya şirkətlərinin Cənub Qaz Dəhlizi layihəsində uğurla iştirak etdiklərini, 200-ə qədər alman şirkətinin Azərbaycanda fəaliyyət göstərdiyini vurğulayan Ramin Həsənov Prezident İlham Əliyevin və Kansler Angela Merkelin iştirakı ilə iki ölkənin iş adamları ilə keçirilmiş görüşün Azərbaycan-Almaniya iqtisadi əməkdaşlığında yeni layihələrin həyata keçirilməsi üçün geniş meydan yaratdığını qeyd edib.

Ramin Həsənov, həmçinin xalqlarımız arasında münasibətlərin 200 illik tarixinə toxunaraq, elmi, mədəni və humanitar sahədə mövcud əməkdaşlıqdan danışıb. Buna nümunə olaraq, Azərbaycanda alman irsinin təşviq olunmasını, Almaniyada azərbaycanlı gənclərin təhsil almasını, Bakıda Göte İnstitutunun açılmasını, Bakı və Mayns, Sumqayıt və Lüdviqshafen şəhərləri arasında mövcud olan “qardaşlaşma”ları, nüfuzlu Berlin Humboldt Universitetində Azərbaycan tarixi kafedrasının fəaliyyət göstərməsini qeyd edib.

Ermənistan-Azərbaycan Dağlıq Qarabağ münaqişəsindən danışan səfir Almaniyanın Minsk qrupunun üzvü kimi münaqişənin ədalətli və beynəlxalq hüquqa söykənən həllini dəstəklədiyini bildirib. Ramin Həsənov vurğulayıb ki, Almaniya hökumətinin də bölüşdüyü Dağlıq Qarabağ və ətraf rayonların Azərbaycanın ərazisi olması faktını işğalçı Ermənistan nəhayət ki qəbul etməlidir.

Bundestaqın deputatı, Almaniya-Cənubi Qafqaz parlament qrupunun sədri Yohannes Kars çıxışında 20 ildən bəri davam edən deputat fəaliyyəti dövründə Azərbaycanın keçdiyi böyük inkişaf yolunun şahidi olduğunu deyib. O, rəhbərlik etdiyi parlament qrupunun adından Azərbaycan Xalq Cümhuriyyətinin yaranmasının 100 illiyi münasibətilə xalqımızı təbrik edib. Almaniyalı deputat bildirib ki, bundestaqdakı Cənubi Qafqaz parlament qrupunun Azərbaycanla bağlı fəaliyyəti iki prioritetə malikdir. Bunlardan biri ölkələrimiz arasında iqtisadi və mədəni əlaqələrin təşviqi, digəri isə Ermənistan-Azərbaycan Dağlıq Qarabağ münaqişəsinin həllinə töhfə verməkdir. Yohannes Kars sözügedən münaqişənin hər zaman yenidən alovlana biləcəyini əsas gətirərək onun tezliklə həllinə nail olunmasının zəruriliyini vurğulayıb.

Almaniya Xarici İşlər Nazirliyinin xarici elm, təhsil, tədqiqat və mədəniyyət siyasəti üzrə xüsusi nümayəndəsi səfir Haydrun Tempel qeyd olunan 100 illik yubiley münasibətilə Almaniya hökuməti adından Azərbaycanı təbrik edib. Alman diplomat ölkəsinin digər sahələrlə yanaşı, mədəni və humanitar məsələlərdə də Azərbaycanla sıx əməkdaşlıq etdiyini diqqətə çatdırıb və Cənubi Qafqazda alman məskənlərinin salınmasının 200 illik yubileyi münasibətilə həyata keçirilən layihələri vurğulayıb. Haydrun Tempel, həmçinin Azərbaycanın nəhəng regional layihələrin təşəbbüskarı və iştirakçısı olduğunu, ölkəmizin bölgədə böyük iqtisadi gücə çevrildiyini qeyd edib. Almaniya hökumətinin təmsilçisi, eyni zamanda, 2016-ci ilədək Almaniyanın ölkəmizdə səfiri olması ilə əlaqədar respublikamızın 100 illik yubileyinin onun diplomatik fəaliyyətinə birbaşa aidiyyəti olduğunu bildirib.

Çıxışlardan sonra Azərbaycan Xalq Cümhuriyyətinə həsr olunan sənədli film nümayiş etdirilib.

Tədbirdə tanınmış musiqiçilər Elçin Şirinovun, Şəhriyar İmanovun ifasında musiqi proqramı təqdim olunub.



100. Jahrestag der Demokratischen Republik Aserbaidschan in Berlin gefeiert

Mit gemeinsamer Organisationsunterstützung der Heydar Aliyev Stiftung und der Aserbaidschanischen Botschaft in Berlin ist ein offizieller Empfang anlässlich des 100. Jahrestags der Demokratischen Republik Aserbaidschan (ADR) gegeben worden. Im Rahmen der Veranstaltung fand auch die Eröffnung einer Ausstellung gewidmet der ADR statt.

Wie AZERTAC berichtete, besichtigten Gäste zuerst die Ausstellung über die Gesichte der ADR. Unter zum Empfang eingeladenen Gästen finden sich der Exekutivdirektor der Heydar Aliyev Stiftung Anar Alakbarov, der aserbaidschanische Botschafter in Deutschland, Ramin Hasanov, Mitglieder des Bundestages, Vertreter der Bundesregierung, sozialer und politischer Kreise, darunter auch Chefs der in Deutschland akkreditierten diplomatischen Vertretungen.

Der Botschafter der Republik Aserbaidschans in Deutschland, Ramin Hasanov hielt eine ausführliche Rede beim offiziellen Empfang und informierte Gäste auch über die Aktivitäten der Heydar Aliyev Stiftung. Er sagte, dass die Stiftung unter der Leitung der Ersten Vizepräsidentin der Republik Aserbaidschan, Mehriban Aliyeva, sowohl in Aserbaidschan, als auch im Ausland Projekte in verschiedenen Bereichen umsetzt, dem kulturellen Austausch mit Deutschland große Bedeutung beimisst, und bisher zahlreiche wissenschaftliche und kulturelle Veranstaltungen in diesem Land organisiert hatte.

Ramin Hasanov sprach auch über die 200-jährige Geschichte der Beziehungen zwischen unseren Völkern und über die bestehende Zusammenarbeit in den wissenschaftlichen, kulturellen und humanitären Bereichen. Die Förderung des deutschen Erbes in Aserbaidschan, die Ausbildung der aserbaidschanischen Jugend in Deutschland, die Eröffnung des Gothe Instituts in Baku, die bestehende Beziehungen zwischen den aserbaidschanischen und deutschen Partnerstädten Baku und Mainz, Sumgayit und Ludwigshafen und die Tätigkeit des Instituts für Geschichtswissenschaften der Humboldt-Universität zu Berlin sind ein drastisches Beispiel dafür, sagte der Botschafter. Der aserbaidschanische Diplomat erinnerte auch daran, dass heute ca. 200 deutsche Unternehmen in Aserbaidschan engagiert sind.

Anschließend trat Bundestagsabgeordneter, Vorsitzender der deutsch-südkaukasischen Parlamentariergruppe, Johannes Kahrs, auf. Er sagte, er habe während seiner 20-jährigen Amtszeit den großen Entwicklungsweg Aserbaidschans miterlebt.

Sonderbeauftragte des deutschen Außenministeriums für Außenpolitik, Bildung, Forschung und Kulturpolitik, Botschafterin Heidrun Tempel, sprach in ihrer Rede die enge deutsch-aserbaidschanische Zusammenarbeit im Kulturbereich sowie in humanitärer Sphäre und auf anderen Gebieten an. Die deutsche Diplomatin erinnerte daran, dass verschiedene Projekte anlässlich des 200. Jahrestags der Ansiedlung der ersten deutschen Siedler im Südkaukasus durchgeführt wurden.

Nach den Reden wurde ein Dokumentarfilm über die Aserbaidschanische Demokratische Republik gezeigt.

Die Veranstaltung ging mit Auftritt von berühmten aserbaidschanischen Musikern Eltschin Schirinov und Schahriyar Imanov zu Ende.


скачать dle 11.3

Похожие новости

Комментарии

Имя:*
E-Mail:
Введите код: *
Кликните на изображение чтобы обновить код, если он неразборчив